不過...適唔適應真係急唔來...唔好講小朋友啦...
家長一樣需要時間去適應...去消化自己已經是一個中學生的家長...
不能好像小學咁下下跟住...有時候需要適量放手...
適量放手係一門深學問...好似我咁船頭驚鬼船尾驚賊...
放手好難...經常精神緊張...睡不安眠...
如果...有睇開我日誌的朋友仔...
一定知道我的寶貝女入讀邊一間中學...
學校擺放好多資源予中一學生去適應中學生活...希望各位同學可以盡快投入...
開學以後...我的心情真的放鬆不下...
以前番學就屋企樓下...行一陣就到...
朝早就可以施施然咁七點起身...
放學就算遲放...回到家一樣有時間稍息...
現在番學就坐半個鐘頭車...落車再行十分鐘左右...
朝早變左六點左右起身...而放學放三點五十分...回家已經五點了...
遇上課外活動放六點多...回到家七點多...
天已經黑齊...可以說早出晚歸呢...
回到家急急趕趕咁食飯...食完飯沖個涼就要做功課...
幸好...學校功課暫時唔算繁重...唔需要做太耐...
係數學要稍為用多點時間去做...
做完功課...基本上坐一陣就已經要上床瞓覺...時間真的不夠用...
可能太累了...上床五分鐘不夠已經聽到鼻軒聲了...
老實說...睇到個女咁辛苦...心好痛呢...
個女瞓左覺...偶然會聽到小女電話有信息...
原來...同班同學的群組...可是...我就有少少擔憂了...
因為...個別的同學會有少少粗口...
幸好...個女同佢地唔岩咀型...
我唔係咁想個女咁快就失去純真呢...
學生要適應校園生活...家長一樣要幫幫手...
學校駐校社工為家長舉辦四個不同主題的家長茶座...
讓各位新生家長可以掌握協助女兒適應中學生活的技巧和與其他家長分享管教心得...
我已經乖乖咁上了當中三堂...還有一堂在十一月頭...
自己埋頭去諗去擔心...倒不如一班人一齊講下傾下...
上左三堂...得着真的不少...
我擔心我驚...其實亞女一樣擔心一樣驚...
自己擔心自己驚唔可以放上面...亞女不能承受太多壓力...
讓大家慢慢順住路走...遇上問題就尋求學校的幫助...
上左中學...競爭一定比小學激烈...
不能下下要求得太高...要求太高只會令親子關係變差...
十二月的考試即將來臨...話哂係中學生涯的第一次...
緊張就一定會...不過...心理要調整...
分數一定唔會好似小學咁高...下下八十幾九十分...
滿分就係痴人說夢啦...
補唔補習就待第一考試結果再去決定...
因為...功課暫時能夠應付...
望住個女做功課...我發覺個女已經想大個...
唔需要下下要我幫手...最近聽得最多就係 : 得啦...我攪得掂...
攪唔攪得掂...我真係半信半疑...
長大是必須的...你唔需要我教你做功課...
不過...我還是想默默在你身旁陪住你望下你...
等你需要我的時候...我就可以出手...
未必一定幫到你...但一定會盡我所能去幫你...
待你做好你的工作...我們就一齊坐下來睇電視食零食...
FACEBOOK 專頁 : https://www.facebook.com/mrmoon.renelee
歡迎合作...
月兒部落分社 :
BEAUTY LIFE
BECB
THEXXXXX
BLOGSPOT
SHE
UBEAUTY
QOOZA
QOOZA BEAUTY
SALADB
SINA
ELLE
MYAGE
WESHARE
FANPIECE
SEEWIDE
MYBB
PIXNET
INSTAGRAM ~ MRMOONMOON
純粹個人意見...請大家多多指教呢...
免責聲明 ~
本文發表的每一字一語內容全屬個人意見同感受...
不代表品牌的言論同立場...
如需獲得更多資訊同協助...煩請直接聯絡品牌查詢或尋求相關專業意見...
如從而引起的任何損失或法律糾紛...本人概不負責...
沒有留言:
張貼留言