按獲自行分配學位及統一派位階段獲派首三個志願學校的學生人數合計...有92%...
當時我有少少放鬆...期望小女會入到第一志願...
不過...在我而言...
依然未想定如果入左第二志願...究竟去唔去試一試叩第一志願..
第一志願係一間我十分心儀的學校...
唯一缺點在位置...一定要轉兩程車先到...
同老公傾完...仍然心大心細...
唯有...煮到來先食啦...
一整晚輾轉反側...睡不安眠呢...
七月五日七點五十分到學校等結果...十分鐘原來可以好難捱...
當班主任叫小女個名的時候...我們就一齊出去拎...
每一步...步步驚心...
一如我所想...真的入讀第二志願...
我激動到喊左出來...
事與願違...只有...即刻去諗叩唔叩門...
老實說...我係有失望...
不過...唔係因為第二志願唔夠好...
只是...我比較鍾愛第一志願...
我就即刻打俾老公報告結果...
老公話如果真係唔甘心...就去叩門試一下...
我選擇的是兩間女校...自行分配學位同統一派位...次序分明...
第一志願較熱門...通常放第一位...
第二志願好多人用作保險線...放第二位...
初時諗住是但入一間...自己一樣 NO PROBLEM...
可是...去過學校面試就發覺...第一志願較勝一籌...一心希望入讀呢...
只要自行分配第二志願不成功...派位機會入讀第一志願機會就大了...
好多同學家長問我地派左邊間...個個讚好...
只是...我自己仍然心有不甘...錯在自己策略錯誤...
不過我又諗...自行第二志願收左小女...
咁即係學校覺得小女適合啦...
而自行第一志願唔收小女咁已經過唔到學校一關...
就算派位入讀...讀得會較吃力...
可能這是天意啦...入讀第二志願可能會較好呢...
我就同老公講算了...唔再諗了...
其實...我可怕自己選擇錯誤...
如果叩門成功...一讀就讀六年...唔岩就會害了小女...
第一志願叩門要七月五日早上九時至下午二時交表...
面試就會安排同日下午二時至五時...
幾個小時...我不斷同自己講...
既然已成事實...何不面對現實呢???
第二志願一樣係自己選擇...一樣係好學校...
自己曾經講過兩間一樣 NO PROBLEM...
將來的事唔會知...我要相信今天唔去嘗試叩門的選擇是正確的...
第二志願會是一個令我女兒快樂成長的大家庭...
期望我的女兒能夠在當中學得更多...
好不容易待叩門的時間過去...可惜心情依然未能放鬆...
我仍然不停諗...諗...自己唔叩門的決定有沒有錯呢???
老公同我講...唔好理第一志願定第二志願了...入到一間好學校已經好幸運了...
真的可以唔理嗎???我是害怕選擇錯誤...誤了女兒...
七月七日同七月八日是註冊的日子...
七月八日我同女兒去了學校註冊...度身造體育服...碌咭買教科書...
背住沉甸甸的課本步出校門...心情竟然好起來了...
前幾天只是自己一時未能接受而已...
七月十二日學科測驗...同日學校為中一家長舉辦"善用暑假迎接中學新生活"分享會...
分享會聽了學校的教同學...讓我放下心了...
希望小女可以盡快適應新環境...新生活...
可以同同學和平共處...渡過六年快樂時光啦...
七月十五日開始了學校安排的一星期左右的升中銜接課程...
望住小女穿上中學校服...心入面有說不出的話呢...
最後...好多謝各位朋友的關心同鼓勵...
希望你們會繼續陪伴我女兒成長呢...
FACEBOOK 專頁 : https://www.facebook.com/mrmoon.renelee
歡迎聯絡我 ~ bbg1668@yahoo.com.hk
歡迎合作...
月兒部落分社 :
BEAUTY LIFE
BECB
THEXXXXX
BLOGSPOT
SHE
UBEAUTY
QOOZA
QOOZA BEAUTY
BLOGDB
SALADB
SINA
ELLE
MYAGE
WESHARE
FANPIECE
SEEWIDE
MYBB
PIXNET
INSTAGRAM ~ MRMOONMOON
純粹個人意見...請大家多多指教呢...
免責聲明 ~
本文發表的每一字一語內容全屬個人意見同感受...
不代表品牌的言論同立場...
如需獲得更多資訊同協助...煩請直接聯絡品牌查詢或尋求相關專業意見...
如從而引起的任何損失或法律糾紛...本人概不負責...
沒有留言:
張貼留言