咁可以點呢???
老實說...我自己唔太羡慕了...
我覺得他們只是教育制度下的犠性品...
十項全能...可是...失去了小朋友最重要的童真...
快樂的童年...SORRY...現今大部份的小朋友唔適用囉...
越來越多父母怕蝕底...怕慢人一步...
一早就推小朋友...兩歲未夠就入學前班...
一歲未夠就入 PRE- SCHOOL ...誓要分一杯...
一正式入學...放學同 WEEKEND 就排到密密麻麻...
老實講...係唔係真係有需要呢???
好想講...小朋友的童年好難過囉...
回想起自己從前讀書的時候...
幼稚園唔敢講啦...太遙遠了...我怕記錯...
咁講講小學啦...課程唔算緊湊...
九因歌有足夠時間俾學生慢慢背...
今時今日...老師覺得個個已經一早識...唔會放太多時間同大家背...
我番小學返半日...放學做完功課仍然有睇電視同玩的時間...
再望望小女...全日制...放學放三點...
回家沖涼坐低食個茶點...四點前一定開始做功課...
做完功課通常已經五點左右...如果要作文...
時間就要再長一點...
稍稍温習一下...已經不知不覺六點了...
一輪衝鋒陷陣...夠鐘開飯...可以休息...不過...
可以令人開懷大笑的卡通片...SORRY 啦...已經做完了...
小學生睇的只有新聞啦...試問小朋友點會笑得出呢???
我講的是平時...未計課外活動...
之前低年級的功課唔太多...可以參加兩項課外活動...
現在高年級的功課多...我只讓小女參加一項課外活動...
課外活動日就放五點...一切自然順延啦...
帶住疲倦的身驅做功課...慢是一定的...
我唔知道幾多家長同我一樣覺得小朋友好可憐...
年紀輕輕已經好似番工咁...日做夜做...
大人放左工想透透氣...小朋友一樣呢...
可惜...好多時候身不由己...
面對一樣二樣功課...唔快快手做好就麻煩了...
一上小學...我已經教小女先做好功課...
唔好一放學就嘆電視...到夜晚先辛苦趕功課...
早瞓覺休息好過夜瞓...
唔夠瞓休息唔夠...第二日點有精神呢...
自問自己學歷唔高...只有半桶水的能力教小女...
有時望住難答的問題...我只有啞口無言...
唯有...急急咁上網揾答案...解答小女的問題...
如果...你的小朋友有功課唔識做...
希望你可以體諒一下...希望你可以幫幫手教教小朋友...
不過...唔識唔好扮識...
一定要用虛心學習的態度咁同小朋友一齊揾答案...
以身作則做個好榜樣...
細細個已經面對一堆又一堆無形的壓力...
作為父母應該小心留意自己小朋友的心理狀況...
避免小朋友鑽牛角尖...
我絶對唔係一個溺愛子女的怪獸家長...
我只是深深體會...平心而論...
請父母唔好逼得太緊...逼得太緊可能只會適得其反...
我自己同樣努力學習中...希望自己唔好逼得小女太緊...
父母有時的確有需要反思一下自己係唔係俾左好太壓力自己既子女...
小朋友的將來重要...不過...小朋友的當下同樣重要...
小朋友可以健康快樂咁成長相信是每一個父母的心願...
誠邀各方指教一下小朋友減壓的方法...
聯絡我 ~ bbg1668@yahoo.com.hk
月兒部落分社 :
BEAUTY LIFE
BECB
THEXXXXX
BLOGSPOT
F&B
SHE
UBEAUTY
QOOZA
QOOZA BEAUTY
BLOGDB
SALADB
SINA
ELLE
MYAGE
WESHARE
FANPIECE
SEEWIDE
MYBB
PIXNET
純粹個人意見...請大家多多指教呢...
免責聲明 ~
本文發表的每一字一語內容全屬個人意見同感受...
不代表品牌的言論同立場...
如需獲得更多資訊同協助...煩請直接聯絡品牌查詢或尋求相關專業意見...
如從而引起的任何損失或法律糾紛...本人概不負責...
沒有留言:
張貼留言