知道蛋白尿無問題...以為可以放下心...點知...
摸胎既時候...醫生摸左好耐...面有難色...
接着聽胎心...心跳無問題...
醫生再摸一次胎...又係摸來摸去...
最後醫生叫我去照一照超聲波...
照完就再見我一次...
負責照超聲波既醫生話個胎打橫左...出現胎位不正...有需要見醫生...
等待再見醫生的時候...我上網搜尋胎位不正...
原來...胎位不正問題幾嚴重...
對孕婦...對胎兒有一定危險...我個心即時打一打震...
入到去見醫生...醫生睇左一陣超聲波結果...
醫生就話個B打橫左...而我接近預產期就係胎位不正...
如果我突然穿羊水...連接BB既臍帶有機會漏左出來...
到時就會好危臉...醫生比左兩個選擇我...兩個選擇一樣係要二十七日入院...
一係試下人手轉位...
用人手移正胎位如果成功就可以順產...不過要出院就要觀察一段日子...
如果人手移位唔成功就留院直至三十八週...順產就唔好諗...一定要開刀...
二係開刀...入院等三十八週開刀...
醫生話二小姐唔係頭向上...移位只係移九十度...成功機會會比轉一百八十度大...
我同老公決定試下人手轉位...
醫生寫字俾我第二日一早入院...約二十八日做人手轉位...
醫生俾左一張單張我地睇下體外胎位倒轉術的施行程序...好處...後果及風險...
體外胎位倒轉術 EXTERNAL CEPHALIC VERSION
懷孕三十七週後...將胎兒轉至頭向下位置...
程序前要禁食...或需注射藥物以助子宮放鬆...
醫生會於超音波監測下於腹部子宮位置施力將胎兒轉位...一般只需要數分鐘便可完成...
於程序施行前後及期間...會嚴密監察胎兒同媽媽的情況...
程序會於產房內進行...以便有需要時可緊急性剖腹生產...
胎兒轉至頭向下位置後可作陰道分娩...以減少分免的風險及避免剖腹生產的併發症...
體外胎位倒轉術的成功率為百分之50...
理論上的風險包括: 胎兒心率減慢...羊膜穿破...胎盤分離...子宮穿破及於程序中會臍帶脫垂...但風險發生率很低...萬一發生便要施行緊急性剖腹生產(機會率是低於百分之1)...醫療實證顯示成功施行體外胎位倒轉術後仍有較大機會需要輔助分娩及其他產科程序...如引產或剖腹生產...
二十六日的一夜...真係驚到我瞓唔着...眼光光到天光...
三月二十七日...我就照醫生吩咐八點前入院...好等醫生巡房可以睇到我...
七點四十五分...我就去到瑪嘉烈 A3 產前護理病房...
待病房姐姐安排好床位就換衫...量體温...量血壓...磅重同驗小便...
八點半左右...姑娘收症...做左基本檢查...問完一輪...
聽過二小姐心跳...姑娘就用手摸二小姐...
摸左一輪...姑娘話二小姐依然好有性格咁打橫瞓...
我追問姑娘係唔係我睡姿唔好影響左BB個胎位...姑娘話唔關事...
我話三十二週開始個頭仔已經向下...點解突然會轉左位...
姑娘話BB係會郁既...唔好諗咁多...叫我乖乖咁等醫生巡房...
一個鐘頭後...醫生巡房...
睇左排版...就開始佢問我答...有冇胎動...有冇陣痛...有冇見紅...有冇穿水...
問完就聽胎心...聽完就動手摸二小姐...
醫生話二小姐頭仔向下喎...
原來...在我等待醫生巡房既一小時...
二小姐來了一個華麗轉身...
不過...醫生話二小姐可能會再轉身...要繼續觀察...
我問醫生咁頭仔向下係唔係會出院...醫生話出唔出得院言之尚早...
留院觀察再決定...
醫生走左...我就打俾老公同老公講...
二小姐個頭仔向番下...唔需要做人手轉位...不過...
唔可以出院...要留院觀察...
每到姑娘早中晚接更...姑娘只會聽下胎心...
我個人比較緊張...會主動要求姑娘幫我摸下二小姐...
睇下二小姐有冇又轉身...幸好...
瑪嘉烈既姑娘個個好好人...願意在百忙中幫我摸摸二小姐...
等我可以安心...
過左一日...二小姐頭仔依然向下...
二十八日醫生巡房...摸完二小姐...
我追問醫生幾時出得院...醫生數數手指話觀察多兩日...
如果頭下繼續向下就可以放我出院...
醫院過一日其實幾難捱...
自己大住肚周圍行又怕阻住人...只有長時間在床上...
夜晚瞓又瞓得唔好...食又食得唔好...
一心諗住捱多兩日...三十日假期個日可以出院...
又過左一日...二小姐一樣乖乖咁頭仔向下...
二十九日轉左第二個醫生巡房...摸完二小姐...
醫生就開口話頭仔仍然向下...再觀察多兩日...
如果唔轉位就比我出院...
我心諗...下...唔係卦...
點解兩日之後又兩日架...
明明二十八日計係三十日出院...
二十九日計兩日變左三十一日出院...
知道要過多兩日出院...心情真係有點DOWN...
不過...觀察係為左二小姐...頂多一日啦...
又過左一日...二小姐乖乖咁頭向下...
再換左第二個醫生巡房...
醫生正正係二十六日產檢個位寫字我入院的醫生...
醫生摸過二小姐...話轉番正喎...
我就隨口問下係唔係可以出院呀...
醫生就話...二十九日個醫生寫左你要觀察多兩日喎...
我就話今日你巡房...你可以話事既...
醫生就話怕左我...俾我出院...不過...
叫我感覺有異就要即時番去...唔好等...
同埋叫我早少少產檢...可惜...星期一同星期四撞正假期...
產檢期就要約四月九日...
由出院到四月九日...我老公話唔好理關唔關事...
叫我唔好郁動太大...多點休息...怕驚動二小姐喎...
四月九日...懷住戰戰驚驚既心情去到K9...
攪掂好量血壓...磅重...驗小便...就等見醫生...
醫生睇到我早排因為胎位不正入過醫院...一來就摸一摸個胎...
醫生話幾好喎...個胎落左少少啦...聽埋心跳無異樣...
我同老公個心真係安心左好多...
一切正常...我可以去番健康院產檢啦...
瑪嘉烈幫我約左四月十九日去產檢...如果未生的話...
如有生產徵兆就直接去產房...
踏入三十八週...醫生就話要約定一個催生期...
怕二小姐過期居留...催生期約左預產期後一星期...四十一週一日四月三十日...
當然...我係希望妹妹預產期前出世啦...
FACEBOOK 專頁 : https://www.facebook.com/mrmoon.renelee
聯絡我 ~ bbg1668@yahoo.com.hk
月兒部落分社 :
BEAUTY LIFE
BECB
THEXXXXX
BLOGSPOT
SHE
UBEAUTY
QOOZA
QOOZA BEAUTY
SINA
ELLE
COSMO
MYAGE
WESHARE
FANPIECE
SEEWIDE
MYBB
PIXNET
STYLE
INSTAGRAM ~ MRMOONMOON
純粹個人意見...請大家多多指教呢...
沒有留言:
張貼留言