2018年4月3日 星期二

懷孕期要知 ~ 蛋白尿

三月十二日三十四週一日...去番瑪嘉烈做產檢...
同樣係磅重...量血壓...驗小便...
不過...朝早留既小便唔PASS...要即時驗多次...
結果...一樣唔PASS...蛋白出現兩個+...死火啦...
即時上網睇究竟係咩...

懷孕中或後期...出現蛋白尿...嚴重水腫...高血壓的情況...甚至有劇烈頭痛...嚴重腳重視力模糊...出現閃光...上腹疼痛...嘔肚等...可能就係妊娠毒血症...妊娠毒血症嚴重影孕婦同胎兒健康...
孕婦有以下高危因素患妊娠毒血症既機會較高...
~ 本身有糖尿病...血壓高或紅斑狠瘡的病歷...
~ 過往懷孕期間曾患有妊娠毒血症...
~ 近親有妊娠毒血症的懷孕病史...
~ 高齡...
~ 是次懷孕與上一胎相隔十年...
~ 懷有雙胞胎或多胎...
~ 肥胖...

妊娠毒血症屬於嚴重疾病...如果唔及時處厘...會危及母親同胎兒...妊娠毒血症可引發痙攣...或導致肝...腎...肺衰竭...凝血問題...對孕婦及胎兒的健康和性命構成威脅...
產檢時發現患病...多數需要即時入院監察...盡量讓胎兒待在媽媽肚子...病情轉差就要讓胎兒盡快出生...

入到房見醫生...醫生做完摸胎兒同聽心跳的基本檢查...
見到我驗小便蛋白有問題...就話要留小便作進一步化驗...
要我每日早晚在家量血壓做紀錄...如果連續兩次出現高血壓既情況就要即時入院...
妊娠毒血有機會要催生...所以要小心留意住血壓...
不過...遇上一個唔多願答既醫生...十問九唔應咁...
其實...我真係好驚...想問多少少架...
點解...唔可以解答我呢?
醫生好似趕收工咁...俾左兩個期我就叫我去護士房問護士拎樽仔留小便...
為左要驗清楚...姑娘好詳細咁講解一次點留小便...
蛋白尿有時會因為混入左陰道分泌物影響測試結果...
姑娘千叮萬囑叫我清潔乾淨...抹多幾下...
留小便前同後唔要...只留中段小便...減低陰道分泌物混入小便而驗出蛋白尿的情況...

三月十五日下午收到醫院通知...三月十二日留既小便驗出既蛋白指數偏高...
姑娘叫我即時去拎個樽...需要留24小時小便作進一步化驗...
個陣既心真係一沉...只有立即換衫飛的去醫院...
去到產前護理病房...姑娘同我對好資料就教我留小便...
三月十五日下午三點開始直至三月十六日下午三點...每一次小便要倒入個大樽入面...
三月十六日下午四點前就要交回醫院...

即時去拎撙驗24小時小便...係唔係已經好緊急呢?
蛋白尿...究竟對二小姐有冇影響呢?
我真係好好好擔心...不過...再問姑娘...
姑娘一樣唔答我...蛋白尿究竟係咩一回事...
一切來得好神秘咁...上網揾既資料又唔多...
驗出有蛋白尿問題...我真係有點驚...
唯有...盡量令自己心情舒暢一點...唔好俾自己激心...
我發覺自己有點點水腫...面珠好似發水麵包咁...
好彩既係下身就未有水腫情況...
只有等三月二十日去問清楚...

三月二十日三十五週二日...要到醫院接受乙型鏈球菌拭子普及篩查...
乙型鏈球菌是一種常見寄存在人類腸道...泌尿和生殖系統的細菌...約10-30%懷孕婦女的陰道或直腸拭子樣本中可找到...受乙型鏈球菌寄存的孕婦...一般健康情況良好...並沒有任何病徵...少孕婦可能會有尿道感染的症狀...
在妊娠後期...有可能在生產過程中將乙型鏈球菌傳給嬰兒...乙型鏈球菌是最常見引致新生兒感染的病菌...其引起最期感染的嚴重發病和死亡率約5-10%...在香港新生兒乙型鏈球菌早期感染率為0.1%...感染可分為早期性或晚發性...

早期性的感染 : 一般發生在嬰兒出生後收小時內...症狀包括 :
呼吸道出現問題...心率和血壓不穩定...
腸道和腎臟出現問題...
最常見的是肺部感染...血液感染和腦膜炎...
晚發性的感染 : 一般發生在嬰兒出生後一周或幾個月內...常見的症狀是腦膜炎...
晚發性感染不及早期性的常見...

新生兒的感染率約每100-200個乙型鏈球菌寄存的孕婦中...大概只有一個嬰兒會受到感染...
拭子呈陽性的孕婦...建議在分娩期間接受抗生素靜脈注射...不過...
只有助預防早發性的乙型鏈球菌感染...而不能完全預防早期性或晚發性的感染...因為嬰兒亦可以從其他途徑受到乙型鏈球菌感染引致晚發性感染...
過程十分簡單...快捷...並不構成任何痛楚...7個工作天會有通知結果...

因為擔心蛋白尿問題...我就試試問問個姑娘...
可惜...姑娘話我下星期產檢再問...
三月二十六日三十六週一日...
預約左三點十五分...攪掂好磅重...量血壓...驗小便就開始等...
等到五點鐘...終於叫我個名啦...
入到去見醫生就急不及待問醫生驗尿結果...
好彩...醫生話驗尿完全無問題...
出現蛋白可能係因為沾染到分泌物影響左結果...
可以放心了...不過...出現左第二個問題...
待續...



FACEBOOK 專頁 : https://www.facebook.com/mrmoon.renelee

聯絡我 ~ bbg1668@yahoo.com.hk

月兒部落分社 :


BEAUTY LIFE


BECB


THEXXXXX


BLOGSPOT


SHE


UBEAUTY


QOOZA


QOOZA BEAUTY


SINA


ELLE


COSMO

MYAGE


WESHARE


FANPIECE


SEEWIDE


MYBB


PIXNET

STYLE

INSTAGRAM ~ MRMOONMOON

純粹個人意見...請大家多多指教呢...

沒有留言:

張貼留言