2019年4月9日 星期二

濕疹BB實戰篇

星月自小有濕疹...
老一輩話係我陀住星月唔戒口就生左個濕疹B...
好啦...咁我只有認衰...
到計劃有星雨...我就已經開始戒...係戒到清一清...
可惜...星雨一樣係濕疹B...
老實講...真係幾灰下...
戒左咁耐口依然係生左濕疹BB...
最無奈既係周遭依然有一堆令人聽完有好大壓力既意見...
星雨係飲母乳...歸根究底係我呢個母乳媽媽唔戒口所致...
又有話係我懷孕後期清唔哂胎毒...
事實係我孕期尾已經有清...或者係我太毒啦...
又有話係星雨專用既清潔用品唔岩用...
事實係我已經轉完一次又一次...或者係我未轉到一隻岩啦...
最慘係辛苦既唔係我...係星雨...
經歷過星月既濕疹時期...我已經知道濕疹係一個持久戰...
當處理得唔好...範圍係會越來越大...肌膚係會越來越爛...
只有等小朋友慢慢大個...濕疹會慢慢好轉...
星月係要捱到去中學...濕疹就稍為穩定...
想起當時真係不敢回望...
濕疹係好常見既皮膚病...唔會傳染...
起因係個謎...發病通常多在一歲以下...大部分患者或其家人有其他敏感病...
遇上天氣又熱又濕...濕疹就會發作...

頭仔有...下巴有...




















背部有






















手臂有腋下有...





















手摺位有...





















手指有...






















大腿摺位有...























腳掌摺位有...



















腳指有...




















一發作就會痕癢難當...BB唔識就力...
只識用手不停R來R去讓自己舒服一點...
就算出血一樣繼續R...





















到我揹住出街...手仔R唔到...
星雨一樣唔會放過機會...會用個頭仔喺我心口磨來磨去...
磨擦到個額頭仔紅噹噹一樣唔會停...
濕疹一發作...真係好惡攪...
我係會不停諗...點做可以幫星雨舒緩呢?
濕疹係要不停咁保濕...我就不停咁揾潤膚產品...
加入一個又一個既濕疹BB群組...睇下其他媽媽分享同推介既潤膚產品...
當見到星雨情況時好時壞...我又會諗好多問題...
究竟係唔係宜家既潤膚產品唔岩星雨用呢?
究竟宜家既潤膚產品夠唔夠潤呢?
究竟搽死同一款潤膚產品又怕唔怕呢?
究竟宜家經常搽潤膚產品係唔係真係有幫助呢?
見人用過話好就買...買過一款又一款潤膚產品...
唔可以話中伏...只可以話唔係咁岩星雨用...
潤膚產品真係要試過先知夾唔夾...
星雨分享暫時用過好用...夾得到既三款...
AVEENO BABY 嬰兒舒緩滋養護膚霜...





















OILATUM 嬰兒潤膚乳霜...





















一位媽媽谷友介紹我用...BIODERMA ATODERM 強效滋潤修護霜...
嚴重濕疹同初生BB適用(早產嬰兒除外)...只在個別診所及醫院售賣...
有興趣可以上去官網睇下介紹或者諮詢下醫生意見...
呢支係個位媽媽好好心由加拿大幫手買番黎...$260 / 500ML




















三支潤膚霜...BIODERMA ATODERM 強效滋潤修護霜係最快見效...
一沖完涼即刻搽...兩三日已經見效...
温和滋潤保濕...持續改善皮膚乾燥問題...
好快止到痕退左紅...星雨未有捽來捽去磨來磨去...
肌膚係可以去番白白滑滑...有效舒緩濕星雨既濕疹...




















而OILATUM...我覺得配合浸浴乳用...滋潤度會再提高...
只需要三四日時間...皮膚會慢慢好轉...
摸落去係唔會乾巴巴...
AVEENO 需要多少少時間...要七八日時間慢慢退紅...
乾爽日子用...身上濕疹未有發作...
遇上天氣太濕太熱...星雨手腳既濕疹一樣會偶然發作...
可惜...我未揾到頭皮岩用既...星雨依然不停R...R到損哂...R到流血...























除了天氣...濕疹係會受好多因素影響...
想要揾出致敏源...真係要小心留意細微位...
星雨好鍾意放手仔入口...手仔摸完口仔又會捉住腳仔...
口水係星雨濕疹發作既其中一個因素...不過...
正值口腔期...好難控制...
只有多少少抹下手仔抹下腳仔...跟住搽番潤膚霜...減少口水刺激皮膚...






















~ 照顧濕疹BB小貼士 ~
避免濕熱天氣...太熱太濕就開冷氣保持室內乾爽...
沖涼水唔可以熱...微温就可以...
沖涼只用清水...感覺會較乾淨...
沖涼唔可以沖太耐...沖得越耐就會流失皮膚水分...一上水輕輕印乾皮膚就要搽CREAM...
穿着純棉質衣服...
不停保濕...

FACEBOOK 專頁 : https://www.facebook.com/mrmoon.renelee
INSTAGRAM ~ MRMOONMOON


聯絡我 ~ bbg1668@yahoo.com.hk

2019年4月2日 星期二

選科年既反叛期

大小姐升上中學...我倆已經擔心反叛期...
自己年青過反叛過...好明白到時到候自己想長大...
想得到人認同...想自己有話事權...
樣樣事想自己攪掂...唔需要其他人幫...
屋企人係唔會明白我...只有朋友明白我...

自從二小姐出世...大小姐其實已經有無聲無息既變化...
有時會感覺她對妹妹有點關心...
有時會感覺她對我倆有點厭煩...
開始覺得她不像以往咁聽教聽話...經常駁咀...
一言九鼎...激到我倆一肚火...
對我倆既決定抱有懷疑...寧願去撞板...唔願去相信我倆...
只要係我倆既意思就不惜一切去唱反調...務求要對着幹...表達我有自己既諗法...
經常我倆講一句就駁足九句...唔會理我倆講得岩唔岩...真係嘔血...

中三學期一開始...我倆已經關心大小姐會選修既科目...
大小姐打算選修商科...不過...以我倆認識既她...並不適合選修...
細問之下...原來...大小姐係同高年級姐姐討論過而決定...
當我倆再追問落去...你知唔知讀咩架?你知唔知之後點行架?
樣樣答唔知...咁點放心俾你自己決定...
我倆提出選科要考慮既因素...
大小姐就表現出一副不耐煩既樣子...咀面令人討厭...
面對住大小姐既態度...我倆就連珠發炮...
最後...不歡而散...

大小姐正值學習獨立思考既時期...有着好多想法...
不過...因為她既想法未見周詳...好多時會被我倆否定...
一個又一個既否定...令到我們既關係變得緊張...

大小姐的反叛期唔知幾時會完...
我倆只有改變策略應對大小姐...
我倆要互相提醒大家...唔好讓大小姐產生憎恨...
用商量形式去引導大小姐說話...讓大小姐知道我倆會尊重她既意見......
放下父母既威嚴...多聆聽大小姐說話...讓大小姐表達自己意思...
等大小姐唔好因為怕我倆而唔敢講...
有時越壓迫就越反抗...後生過就一定明...
我倆要多點鼓勵大小姐...讓大小姐肯定自己既價值...
等大小姐知道我懂得欣賞她...
講到底...我倆是很愛她...
在我倆心目中...星月叫做聽教聽話...
現在的她只是經歷反叛期...想自主...想獨立...
我倆只是得她長大...




















回想起大小姐小學開學...一個細小的身影背住沉重的書包...
我曾經以為六年小學生涯好漫長...
原來...小學生活轉眼就過去...
一上中學...大小姐已經慢慢唔再需要我...伴讀書僮的日子靜悄悄咁結束...
從前我會諗幾時可以甩身...不過...甩左身又覺得周身唔舒服...
趁住大小姐仍然肯我同分享學校生活...我會好好珍惜...
因為...唔知幾時...大小姐就會收口...



















經過一次又一次跪地餵豬乸...
大小姐終於肯開口同我倆講下對選修科既想法...
我倆明白她想自己決定...
只係...我倆諗得比她多...
希望她能讓我倆比少少意見...讓她可以諗得周詳少少...讓她再仔細諗諗再決定...
二月二十六日...試選表已經交左...選修科已經暫定了...
最後未有選擇商科...選左一文一理...
而真正選科表會係三月大測後提交...俾同學仔有一次機會修改意願...
正好讓大小姐睇下測驗成績再決定...
書係大小姐自己讀...我倆只能夠提供意見俾大小姐做一個參考...待大小姐做最好決定...























FACEBOOK 專頁 : https://www.facebook.com/mrmoon.renelee
INSTAGRAM ~ MRMOONMOON


聯絡我 ~ bbg1668@yahoo.com.hk