點解???皆因...我家有個敏感人...
小女的敏感...
轉冷好...轉熱好...自自然然來了...
一係唔咳...一咳就咳唔停...
秋冬時節最利害...
平平安安渡過了兩個秋冬...
以為...可以安枕無憂...
誰不知...初秋一到...
開始來了...一時間喉嚨會癢癢...
唔咳唔得...好難可以停下來...
愛女心切...我們頭痛極了...
我情願辛苦的是我呢...
擔心自己所愛的感受...相信好多人會明白...
小女由轉天氣開始咳...大大話話咳左個半月...
睇左好幾次醫生...依然冇進展...
真的心痛死我和蝦子餅...
我怕小女在學校咳到死唔出聲...只有打電話同小女班文任講聲...
希望老師可以幫手留意一下啦...太辛苦就早退...
當睇醫生冇效...我們唯有尋找偏方...
聽聞燉橙得...可惜...
試過唔 WORK...可能人人體質唔同啦...
好話唔好聽...着急起來...求神拜佛一樣要試呢...
聽聞鱷魚肉止咳得得地...我有點驚驚地...
不過...早前許許 SISTER 分享自己買鮮鱷魚肉燉湯...
令我有少少心思思試一試...
可惜...鮮鱷魚肉在大陸買的...
我只有開始上網揾揾鱷魚肉...
曾經有報導講深水埗合昌...售買正宗鱷魚肉...
唔需要問一定去一間信譽良好有保證的商舖購買試一試...
同蝦子餅商量決定買野生鱷魚肉...
野生鱷魚肉是包裝發售...有兩両裝...四両裝...八両裝...
只供一人飲用...店員話兩両一包分兩次就得了...
先試牛刀...買了一包兩両裝...價值一百零五元...
如果得...長期買啦...
見有炒好左的蝦籽買...買了一樽...
價值三十二元...
![](https://blogger.googleusercontent.com/img/b/R29vZ2xl/AVvXsEg6hzW4Rwa1zbP_ZSPjRW7LRhJ470nZcvkqgbO7eDbxfhxc9UdfQYlNPCFBbQSh02-aIpAEjEfkqqZAyfTmCCVw5krv_6YwI_Y7fxC8JLxF2H9zgLp-28wrKuGA_I3spdU-St0ob8cGL1uP/s320/photoshake_1385100939132.jpg)
埋單一百三十七元...
![](https://blogger.googleusercontent.com/img/b/R29vZ2xl/AVvXsEgDP0S5CKovrmdbNDQZmSKQdORo2AtRrcqLFAhZeNyxfvOYQJNxIgJQ1_5TZSeT1bCdrxjxf0ucVSB-2VkIJ2pt8nMRAWA5mB7sxvlg7fAGXrvR0uk5Gwbqhcjj8wSOlKdOYg3rt3_9MwlV/s320/photoshake_1385100955383.jpg)
鱷魚肉包裝背後有湯譜...
川貝海底椰鱷魚肉湯...可以跟住煲...
![](https://blogger.googleusercontent.com/img/b/R29vZ2xl/AVvXsEi1zvf6Y0EZxGcsWBYqZ3Q4QDM8k2wzEWchte1fJHaEyis_M-Lk8OVsf0gm7DCVxhv3-oHxgUBaroaiooJ08gJtSY6BFhiZPqD5EEY6Io1OUn1QUo46HkLJ1CODhTaHBXkzp1kgqZxh06LW/s320/photoshake_1385100966451.jpg)
不過...我選用淮山瘦肉煲鱷魚肉...
煲三小時...湯色好清...
味道飲落唔腥...小女肯飲...
![](https://blogger.googleusercontent.com/img/b/R29vZ2xl/AVvXsEgAy0P9QkV3sQ8_16vzdBrfPP8VJeXSKBW7AdrFn22DwdxJly1KZ6BMGr_TnWXn5JaaD6AcQfxaTK-EL3hxHyILoAdyjJVTBOmgbWuShzuWj8zaWHithE8MCBwQUigBPx669NX194Wy3pjm/s320/photoshake_1385346594065.jpg)
小女飲左兩日...咳未見話有大轉變...
沒有多...沒有少...
只有當作保健湯水...飲多幾次...
睇睇有冇效用啦...
ENCORE 買了一包四両裝...
四両裝...二百一十元...
![](https://blogger.googleusercontent.com/img/b/R29vZ2xl/AVvXsEgKOYcj9Rm1chzH7iTWNoSgeF1B5VxlVuBu1jqZhBMj4iSzzLQvQZiBTmDp2B7ht7oJP4uhEbJYw_BWcU5fKZ4ZAetaqFsiZ3JZG3YwH4blX9cOmN6u2p92tzbbJMLM1rGEvEbAUTAY5dvl/s320/photoshake_1385346097925.jpg)
暫時打算一星期煲兩次...
如果真的有改善...會買一斤呢...
聯絡我 ~ bbg1668@yahoo.com.hk
月兒部落分社 :
BEAUTY LIFE
BECB
THEXXXXX
BLOGSPOT
F&B
SHE
UBEAUTY
QOOZA
QOOZA BEAUTY
BLOGDB
SALADB
SINA
ELLE
MYAGE
WESHARE
FANPIECE
SEEWIDE
純粹個人意見...請大家多多指教呢...
沒有留言:
張貼留言